2030-YILGACHA O‘ZBEKISTONDA INSON KAPITALIGA YO‘NALTIRILGAN INVESTITSIYALAR HAJMINI OSHIRISHNING IJTIMOIY-IQTISODIY SAMARASI

Abstract

So‘nggi yillarda O‘zbekiston Respublikasi barqaror iqtisodiy o‘sish, ijtimoiy farovonlikni oshirish va xalqaro maydonda raqobatbardosh mamlakatlar qatoriga kirish yo‘lida keng ko‘lamli islohotlarni amalga oshirmoqda. Ushbu islohotlarning markazida inson omili, ya’ni inson kapitalini rivojlantirish masalasi turadi. Chunki zamonaviy iqtisodiyotda iqtisodiy o‘sishning asosiy manbai nafaqat tabiiy resurslar yoki moddiy kapital, balki bilim, malaka, salomatlik va innovatsion salohiyat bilan belgilanadi. Shu boisdan 2030-yilgacha mo‘ljallangan “Yangi O‘zbekiston taraqqiyot strategiyasi”da inson kapitaliga yo‘naltirilgan investitsiyalarni ko‘paytirish ustuvor vazifalardan biri sifatida belgilangan.