БАНК-МОЛИЯ ВА ТЕЛЕКОММУНИКАЦИЯ СОҲАЛАРИДА КИБЕРЖИНОЯТЛАР ПРОФИЛАКТИКАСИНИ ТАКОМИЛЛАШТИРИШ: ҲУҚУҚИЙ-ТАҲЛИЛИЙ ВА ТЕХНОЛОГИК ЁНДАШУВЛАР УЙҒУНЛИГИ

Abstract

Ушбу тезисда Янги Ўзбекистон шароитида банк-молия ва телекоммуникация тармоқларида кибержиноятлар профилактикасини таъминлашга қаратилган ҳуқуқий механизмлар ва амалий тартиб-таомиллар таҳлил қилинади. Мавжуд норматив тартибга солишдаги зиддиятлар ҳамда “регулятор бўшлиқлар” аниқланиб, профилактиканинг фақат техник ҳимоя билан чекланмаслиги, балки ҳуқуқий жавобгарлик, ташкилотларнинг профилактик масъулияти, рақамли ҳуқуқий онг ва кибермаданиятни қамраб олган интеграл тизим сифатида қурилиши асосланади. Шунингдек, телеком операторлари кесимида антифрод ечимларни марказлаштириш, киберрискларни суғурталаш механизмларини жорий этиш ва трансчегаравий рақамли далиллар алмашинувини такомиллаштириш бўйича таклифлар баён этилади.