TADBIRKORLIK SUBYEKTLARINI IMTIYOZLI KREDITLASH TIZIMINING SAMARADORLIGINI OSHIRISH

Abstract

Bugungi kunda tadbirkorlik subyektlarini moliyaviy qo‘llab-quvvatlash mamlakat iqtisodiy siyosatining muhim yo‘nalishlaridan biri hisoblanadi. Ayniqsa, kichik va o‘rta biznes subyektlarining moliyaviy resurslardan foydalanish imkoniyatlarini kengaytirish ishlab chiqarish hajmini oshirish, yangi ish o‘rinlarini yaratish, aholining daromadlarini ko‘paytirish va hududlar iqtisodiy faolligini kuchaytirishda muhim ahamiyatga ega. Tadbirkorlik subyektlari faoliyatini moliyalashtirishda tijorat banklarining kreditlari asosiy manbalardan biri bo‘lsa-da, bozor sharoitida kredit foizlarining yuqoriligi, garov ta’minotining yetishmasligi va biznes risklarining mavjudligi ayrim tadbirkorlarning moliyaviy resurslardan foydalanishini cheklashi mumkin. Shu sababli imtiyozli kreditlash tizimi tadbirkorlikni davlat tomonidan moliyaviy qo‘llab-quvvatlashning muhim vositasi sifatida shakllanmoqda.