BANK DEPOZIT SIYOSATINI TAKOMILLASHTIRISH VA RESURSLAR BARQARORLIGINI TA’MINLASH

Abstract

Mazkur tezisda O‘zbekiston tijorat banklarining depozit bazasi, uning valyuta, muddat va mijozlar tarkibi 2025–2026-yillardagi amaldagi statistik ma’lumotlar asosida tahlil qilindi. Depozit siyosatining samaradorligini faqat jalb qilingan mablag‘lar hajmi bilan emas, balki ularning muddati, qiymati, valyutasi, barqarorligi va kredit operatsiyalarini moliyalashtirishdagi roli orqali baholash zarurligi asoslandi. Tahlil natijasida milliy valyutadagi depozitlarning o‘sishi, xorijiy valyutadagi mablag‘lar ulushining qisqarishi bilan bir vaqtda uzoq muddatli depozitlarning jami depozitlardagi ulushi pasaygani aniqlandi. Banklar depozit siyosatini takomillashtirishda foiz stavkasini oshirish hisobiga resurs jalb qilishdan ko‘ra depozitlarning muddat tarkibini yaxshilash, resurs qiymatini nazorat qilish va mijozlar bazasini diversifikatsiya qilish ustuvor vazifa bo‘lishi lozim