TIJORAT BANKLARI LIKVIDLILIGINI TARTIBGA SOLISHGA TA’SIR QILUVCHI OMILLAR

Abstract

Tijorat banklari likvidligi bank faoliyatining moliyaviy barqarorligini ta’minlovchi muhim iqtisodiy ko‘rsatkichlardan biri hisoblanadi. Bank likvidligi deganda bankning o‘z zimmasiga olgan moliyaviy majburiyatlarini belgilangan muddatlarda va to‘liq hajmda bajarish uchun yetarli miqdorda pul mablag‘lari hamda tezkor ravishda pulga aylantirilishi mumkin bo‘lgan aktivlarga ega bo‘lish qobiliyati tushuniladi. Likvidlikning yetarli darajada ta’minlanishi omonatchilar va kreditorlar oldidagi majburiyatlarni o‘z vaqtida bajarish, mijozlar ishonchini mustahkamlash hamda bank tizimining barqaror faoliyat yuritishida muhim ahamiyat kasb etadi.