O‘ZBEK TILIDA REKLAMA MATNLARINING LINGVOPRAGMATIK XUSUSIYATLARI

Abstract

Mazkur maqolada o‘zbek tilidagi reklama matnlarining lingvopragmatik xususiyatlari, ularning kommunikativ maqsadi hamda adresatga ta’sir ko‘rsatish imkoniyatlari tahlil qilinadi. Reklama diskursida qo‘llaniladigan leksik-semantik, morfologik, sintaktik va stilistik vositalarning pragmatik vazifalari, xususan, ishontirish, qiziqish uyg‘otish, ijobiy munosabat shakllantirish va muayyan harakatga undash xususiyatlari yoritiladi. Shuningdek, reklama matnlarining milliy-madaniy omillar bilan aloqasi hamda ularni o‘rganishning zamonaviy o‘zbek tilshunosligi uchun ahamiyati ochib beriladi. Tadqiqotning nazariy yo‘nalishi pragmalingvistik, tavsifiy-tahliliy va kontekstual yondashuvlarga asoslanadi. Mavzu O‘zbekistonning taraqqiyot strategiyasida belgilangan iqtisodiy faollikni rivojlantirish va ma’naviy taraqqiyotni ta’minlash vazifalari bilan bog‘liq holda yoritiladi.