Qalamtasvirda kompozitsion muvozanatni shakllantirishning pedagogik usullari

Abstract

Maqolada qalamtasvir mashg‘ulotlarida kompozitsion muvozanatni shakllantirishning pedagogik usullari, ularni ta’lim jarayonida qo‘llash imkoniyatlari hamda talabalarning badiiy tafakkurini rivojlantirishdagi ahamiyati yoritiladi. Kompozitsion muvozanatni ta’minlashda tasvir elementlarining qog‘oz sathida joylashuvi, shakllar o‘rtasidagi nisbat, yorug‘lik va soya taqsimoti, chiziqli yo‘nalishlar hamda tasvirning umumiy yaxlitligini hisobga olish masalalari tahlil qilinadi. Shuningdek, pedagog tomonidan namunali ishlarni tahlil qilish, amaliy topshiriqlarni murakkablik darajasiga ko‘ra tashkil etish, mustaqil ijodiy mashqlar va individual yondashuvdan foydalanish usullari ko‘rib chiqiladi. Mazkur yondashuvlar talabalarda tasviriy materialni ongli ravishda tashkil etish, shakllar o‘rtasidagi uyg‘unlikni anglash va mustaqil kompozitsion qarorlar qabul qilish ko‘nikmalarini rivojlantirishga xizmat qiladi. Maqolada qalamtasvir ta’limi samaradorligini oshirishda nazariy bilimlarni amaliy faoliyat bilan uyg‘unlashtirish zarurligi asoslanadi.