O‘ZBEKISTON RESPUBLIKASIDA BANKLARNI TRANSFORMATSIYA QILISH JARAYONIDA AKTIVLAR SAMARADORLIGINI OSHIRISH YO‘NALISHLARI

Abstract

Tijorat banklari aktivlari bank resurslaridan foydalanish yo‘nalishlarini ifodalovchi muhim iqtisodiy kategoriya bo‘lib, ularning tarkibi bankning daromadlilik darajasi, likvidligi, risklarga bardoshliligi hamda moliyaviy barqarorligini belgilab beradi. Aktivlar tarkibida, odatda, kredit qo‘yilmalari, investitsiya portfeli, boshqa banklardagi mablag‘lar, naqd pul va unga tenglashtirilgan aktivlar, shuningdek boshqa daromad keltiruvchi moliyaviy instrumentlar muhim o‘rin egallaydi. Ushbu aktivlarning o‘zaro nisbatini ilmiy asosda baholash bank faoliyati samaradorligini aniqlash, mavjud resurslardan foydalanish darajasini tahlil qilish va istiqboldagi moliyaviy strategiyani shakllantirishda muhim ahamiyatga ega.