Moliyaviy inqirozlarning kelib chiqish sabablari va ularning oldini olish choralari

Abstract

Ushbu tezis ishida moliyaviy inqirozlarning kelib chiqish sabablari, ularning iqtisodiyotga ta’siri hamda oldini olish choralari ilmiy asosda tahlil qilingan. Ishda moliyaviy inqiroz tushunchasining nazariy asoslari, uning tarixiy tajribalardagi ko‘rinishlari va zamonaviy iqtisodiyotdagi xavf omillari yoritilgan. Xususan, kredit bozoridagi nomutanosibliklar, davlat qarzining ortishi, bank tizimidagi beqarorlik, moliyaviy regulyatsiyadagi kamchiliklar kabi omillar inqirozga sabab bo‘luvchi asosiy omil sifatida ko‘rib chiqilgan. Tadqiqotda O‘zbekiston iqtisodiyoti misolida moliyaviy inqirozlarga qarshi kurashish bo‘yicha amalga oshirilayotgan chora-tadbirlar tahlil qilinib, ularning samaradorligi baholangan. Xalqaro tajriba asosida inqirozlarni oldini olishga qaratilgan taklif va tavsiyalar ishlab chiqilgan. Tadqiqot natijalari moliyaviy barqarorlikni ta'minlash, inqiroz xavfini kamaytirish va iqtisodiy siyosatni takomillashtirishda ilmiy-amaliy asos bo‘lib xizmat qiladi.