Ishlab chiqarish korxonalarining innovatsion faoliyatini davlat tomonidan qo’llab-quvvatlash va rivojlantirish.

Abstract

Ushbu maqolada “Innovatsion faoliyat to‘g‘risida”gi O‘zbekiston Respublikasi Qonuni, mamlakat innovatsion rivojlanish strategiyasi, innovatsion faoliyatni davlat tomonidan tartibga solinishi, milliy iqtisodiyotni rivojlantirishni hamda innovatsion faoliyatni davlat tomonidan qo‘llab-quvvatlash, milliy iqtisodiyotning investitsiya va innovatsion rivojlanishini davlat tomonidan tartibga solish siyosati va shu kabi boshqa masalalar o‘rin olgan.Ishlab chiqarish korxonalarining innovatsion faoliyatini davlat tomonidan qo'llab-quvvatlash va rivojlantirish, davlat iqtisodiyotining raqobatbardoshligini oshirishda va barqaror rivojlanishni ta'minlashda muhim rol o'ynaydi.

Mamlakatimiz korxonalarida innovatsion faoliyatni rivojlantirish, uning samaradorligini xalqaro standartlar darajasida baholashning zamonaviy usullarini ishlab chiqish, ushbu faoliyatni qo‘llab - quvvatlash mexanizmini yanada takomillashtirish zarurati, iqtisodiy o‘sish innovatsiyaga bog‘liq ekan, bunda yangi ilmiy bilimlarni yaratishning tadqiqiy jarayoni modellari va yangi intellektual mahsulotlarning paydo bo‘lishi mustahkam o‘rin egallaydi. Shu nuqtai nazardan innovatsion menejment institutsional ahamiyat kasb etadi va uning tushunchasiga ham innovatsion sohaning tuzilmaviy rasmiylashtirishni, ham ixtisoslashgan boshqaruv organlaridan iborat bo‘lgan innovatsiyalarni boshqarish tizimini kiritishni va qarorlar qabul qilish vakolatlari berilgan hamda innovatsion faoliyat natijalari uchun javobgar bo‘ladigan maxsus menejerlar instituti bo‘lishini nazarda tutadi.